Que é o Espazo Lab?
Orientación e intermediación laboral – Formación – Proxectos
O Espazo Lab, situado no antigo cuartel de Garabolos, é o servizo integral de orientación, formación e desenvolvemento dos programas de fomento do emprego do Concello de Lugo. Conta cun equipo de profesionais especializados no asesoramento laboral que coordinan as distintas iniciativas municipais en materia de emprego e, ademais, funcionan como nexo de unión entre as empresas e as persoas demandantes de emprego.
Últimas novas
Proxectos
Desde o ano 2000 o Concello de Lugo, pon en marcha distintos proxectos no eido da inserción laboral e o emprego.
Obradoiros de emprego
Desde o Concello de Lugo, realízase durante todo o ano unha ampla oferta de cursos de moi diversas materias, co obxectivo de que todos os cidadáns teñan acceso a unha formación adecuada ás súas necesidades.
Formación
Orientación laboral
O servizo de orientación laboral que ofrece o Concello de Lugo no Espazo Lab presta unha atención personalizada a todas aquelas persoas que participan nos distintos programas de inserción sociolaboral que desenvolve este servizo.
Na sociedade actual, a globalización e a forte especialización fomentan no mercado laboral unha alta competitividade e constantes variacións nas tendencias do traballo. Fronte a esta situación, a figura do orientador laboral ofrece solucións personalizadas aos traballadores e traballadoras e ás persoas demandantes de emprego co fin de axudarlles a mellorar as súas capacidades e adaptar os perfís profesionais ás necesidades do mercado laboral, para situar a cada persoa no ámbito profesional máis idóneo segundo as súas características (formación, habilidades, expectativas laborais…) e a súa contorna socioeconómica.