Que é Europe Direct Lugo?
Europe Direct-Lugo, pertencente á rede de Centros de Información Europea, é o punto desde o que o Concello de Lugo ofrece un servizo de proximidade que permite aos cidadáns obter información, asesoramento , axuda e respostas as súas dúbidas sobre a lexislación, as políticas, os programas e as posibilidades de financiación da Unión Europea.
Diríxese a todas e todos os cidadáns, entidades públicas ou privadas que esten interesadas na procura de información sobre a Unión Europea: Administracións, colectivos, empresarias/os, traballadores e traballadoras, estudantes, profesoras e profesores, etc.
Novas
Obxectivos
O obxectivo global de Europe Direct-Lugo é ofrecer información sobre as prioridades de comunicación da Comisión, participar en debates e discusións cos cidadáns seguindo a axenda europea nun contexto nacional, rexional e local promovendo a cidadanía europea activa e contribuír ó desenvolvemento dun espazo público europeo. Como obxectivos específicos:
Fomentar os intercambios, o diálogo, e o entendemento entre as institucións europeas, a opinión pública local, a sociedade civil lucense organizada e determinados públicos especializados a escala europea nacional, rexional e local.
Facilitar ós cidadáns un diálogo máis aberto, no que podan expresar a súa opinión para influír no proceso de toma de decisións a escala da UE.
Fomentar a participación da sociedade civil na vida democrática europea, especialmente habilitando canles para os mozos e as mozas e a comunidade escolar co fin de constituír unha cidadanía europea activa.
Abrir á cidadanía a axenda das institucións europeas para contribuír ó proceso de elaboración das políticas engadindo valor ó proceso lexislativo na UE.
Integrarse activamente nas redes que teñan entre os seus obxectivos fomentar o diálogo e o debate sobre Europa.
Servizos
Europe Direct-Lugo proporciona un servizo de información sobre temas relacionados coa Unión Europea a través de:
Consultas. Pódense realizar persoalmente, por teléfono, fax ou por correo electrónico.
Acceso desde os ordenadores do centro ás bases de datos comunitarias e outras fontes de información da UE.co.
Acceso a documentación relacionada coa Unión Europea: folletos divulgativos, lexislación comunitaria, publicacións oficiais, etc.
Información a través da nosa páxina web e do noso boletín electrónico mensual de toda a actualidade sobre as políticas da Unión Europea.
O Centro permanecerá aberto de luns a venres en horario de 8:30 a 14:30
Contacto
Onde estamos?
Europe Direct Lugo atópase situado no Espazo>lab, Centro de Orientación Laboral do Concello de Lugo, Avenida da Coruña, 500 (antigo cuartel de Gararabolos) 27003 – Lugo.
Os nosos datos
- Avda. da Coruña, 500. 27003 Lugo
- Tfno: 982 29 74 73
- Tfno: 982 29 73 64
- EuropeDirect-Lugo@concellodelugo.org